На повеќето азиски берзи цените на акциите денеска пораснаа, следејќи го подемот на американските и на европските пазари од средата, додека курсот на еврото се проби над нивото од 1,07 американски долари, а во четвртокот наутро на лондонскиот пазар нафтата продолжува да расте.
На берзата во Токио индексот Nikkei 225 во претпладневното тргување беше во минус од 0,1 отсто, а благо за 0,3 отсто паднаа и цените на акциите во Сингапур. Берзанските индекси во Хонгконг, Јужна Кореја, Австралија и Шангај, пак, пораснаа меѓу 0,2 и 1,8 отсто, на MSCI индексот на азиско-пацифичките акции, без јапонските, во четвртокот претпладне беше во позитива од 1 процент.
Азиските инвеститори беа охрабрени од растот на цените на акциите на европските берзи, каде што FTSE индексот на 300-те водечки акции го достигна највисокото ниво во последните 15 години. Тоа е резултат на пораката на челниците на Европската централна банка (ECB), дека ќе бидат истрајни во целосното спроведување на програмата за купување на обврзниците за да се поттикнат економиите во еврозоната. И на Волстрит во средата цените на акциите пораснаа, бидејќи инвеститорите се охрабрија од подобрите од очекуваните квартални деловни резултатите на неколкуте компании.
Меѓу азиските берзите најголем добитник беше шангајската, благодарение на убедувањето на инвеститорите дека кинеските власти наскоро ќе воведе дополнителни мерки, откако во средата беше објавено дека кинеската економија во првиот квартал пораснала за 7 отсто во однос на истиот минатогодишен период, што е најбавното темпо во последните шест години.
Сепак, во средата најмногу порасна енергетскиот сектор, благодарејќи на скокот на цената на нафтата за повеќе од 5 отсто. Во четвртокот наутро на американскиот пазар нафтата падна за 0,5 отсто, на 56,10 долари за барел.
Во четвртокот наутро, пак, јунските фјучерси на нафтата од марката Brent во претпладневното тргување на берзата ICE во Лондон се зголеми за 0,8 отсто, до 60,28 долари за барел. Тековните активни договори за овој тип нафта за испораките во мај поскапи 1 отсто, до 59,02 долари. Ова е последен ден од тргувањето со мајските договори, а од петок активни стануваат фјучерстите за испораките во јуни.
А на валутните пазари американскиот долар и натаму е под притисок на податоците коишто укажуваат на забавување на растот на американската економија, поради што јакнат шпекулациите дека американската централна банка Federal Reserve (Fed) ќе го одложи зголемувањето на каматните стапки.
Оттаму, во четвртокот претпладне американската валута ослаби во однос на европската, па цената на еврото достигна 1,07 долари, додека во средата во истиот период од денот изнесуваше 1,0620 долари, а во вторникот се движеше околу вредностите и под 1,06 долари. Курсот на доларот во однос на јапонскиот јен се движи околу 119,25 јени, додека во средата во истиот период изнесуваше 119,25 јени.
