Агенцијата за поттикнување на развој на земјоделството отвори дисперзирана канцеларија во општина Илинден сместена во зградата на општината.
Целта на отворањето на канцеларијата е доближување на администрацијата до граѓаните, соработка со здруженијата на земјоделците и единиците на локалната самоуправа.
„На овој начин земјоделците ќе добијат своја канцеларија во која најблиску и по најкус пат ќе ги добиваат потребните информации и помош од администрацијата за можностите што ги нудат повеќето програми“, информираат од Општина Илинден.
Услугите што ги нудат стручните служби на Агенцијата се советодавни во земјоделието од сите области, совети за субвенции, за Ипард програмата, за програмата за рурален развој, за програмата за млад земјоделец, за добра земјоделска пракса, за подготовка на документи, барања, апликации…
Канцеларијата работи од 08:00-16:00 часот секој работен ден од понеделник до петок.