Полската компанијата „Arrinera Automotive“ на автомобилскиот саем во Познан ја претстави доработена верзија на својот прв модел – суперавтомобилот „Hussarya“.
Претставник на брендот соопшти дека развојот на сериското купе, кое се потпира на мотор со моќност од 800 КС и 900 Нм вртежен момент, се наоѓа на финалниот стадиум. Тоа ќе биде опремено со 8,2-литарски мотор со 8 цилиндри, производство на „General Motors“. Други детали за агрегатот не беа обелоденети.
Претходниот прототип прикажан во 2014-та година, е управуван од 6,2-литарски „V8“ со моќност од 650 КС, кој работи во комбинација со роботизиран менувач, производство на италијанската компанија „CIMA“. Забрзувањето од 0 до 100 км/ч го остварува за 3,2 секунди, а до 200 км/ч – за 8,9 секунди. Максималната брзина на возилото е 340 км/ч.
Првично Полјаците планираат да пуштат 33 примероци од автомобилот, од кои 15 ќе бидат произведени до крајот на оваа година. Цената на „Arrinera Hussarya“ е 200.000 евра, а до сега над 200 лица пројавиле интерес за купување на возилото. 37 од потенцијалните клиенти се Полјаци.
