„Nokia“ преговара за купување на „Alcatel-Lucent“, соопштија денеска овие две компании. Договорот, ако дојде до него, би резултирало со групација вредна повеќе од 40 милијарди евра, јавува „Reuters“.
„Nokia“ и „Alcatel-Lucent“ во заедничкото соопштение порачаа дека во овој момент не е сигурно дека преговорите ќе резултираат со договор или трансакција.
Акциите на „Alcatel“ на париската берза забележаа скок за 18 проценти, додека акциите на „Nokiа“ на берзата во Хелсинки паднаа за 8,3 отсто.
Доколку дојде до трансакција, тоа ќе биде најголемата аквизиција во историјата на финската компанија.
