Цената на барел нафта се спушти денес на светските берзи кон 57 долари под влијаиие од сигналите од можно дополнително зголемување на понудата во пресрет на иранско-кинеските разговори за можно зголемување на обемот на продажба.
На лондонскиот пазар цената на барелот падна 80 центи во однос на претходното затворање, на 57,32 долари. На американската берза со барелот се тргува по 60 центи пониска цена, од 51,54 долари.
Кина е најголем ирански трговски партнер и до заострувањето на санкциите во 2012 година купуваше околу половината од вкупниот ирански извоз на сирова нафта. Откако во Женева беше постигнат рамковен договор околу иранската нукеларна програма што отвора пат за укинување на санкциите, иранскиот функционери допатуваа во Пекинг каде ќе се состанат со најголемите купувачи во државата.
Светските берзи се веќе сега прекумерно снабдени, а вишокот на производство во однос на побарувачката во првата половина од годината ќе изнесува 1,5 милиони барели дневно, проценуваат аналитичарите.
„Вишокот во снабдувањето е голем, залихите растат, а сега се отвора и можност од прлевање на иранската нафта“, вели Карстен Фрич од Commerzbank.