Министерот за надворешни работи на Република Македонија, Никола Попоски, денес во Будимпешта ќе учествува на министерски состанок посветен на прашања за енергетската стабилност во Регионот на Централна и Југоисточна Европа.
На состанокот најавено е учество и на министрите за надворешни работи на Унгарија, Грција и Србија и министерот за ЕУ прашања на Турција.
Министрите, во рамки на состанокот, ќе го разгледуваат интересот на земјите за поддршка на диверзификацијата на рутите и изворите за снабдување со природен гас од Република Турција.
Предвидено е земјите учеснички да усвојат Декларација за зајакнување на меѓусебната енергетска соработка.
