Малопродажните цени на дизелот и на екстралесното масло за домаќинство поевтинуваат ноќеска на полноќ за половина денар, додека цената на бензините останува непроменета.
Вака денеска реши Регулаторната комисија за енергетика на редовната двонеделна седница посветена на корекција на цените на нафтените деривати.
Согласно одлуката, новата цена на литар еуродизел (Д-Е V) изнесува 53,00 денари, додека Малопродажната цена на екстра лесно масло за домаќинство (ЕЛ-1) изнесува 42,00 ден/лит.
Малопродажните цени на еуросупер БС-95 и еуросупер БС-98 не се менуваат, односно остануваат на исто ниво. Цената на БС-95 изнесува 67,5 денари за литар, додека литар еуросупер БС-98 изнесува 69,50 ден/лит.
Незначително се намалува цената на мазутот М-1 НС за 0,008 ден/кг, со што новата цена на килограм М-1 НС изнесува 26,240 денари.
Просечната цена на сурова нафта на светскиот пазар во изминатиот 14-то дневен период и е за 0,56 отсто повисока од просечната цена на сурова нафта по која беа формирани тековните цени на нафтените деривати. Курсот на денарот во однос на доларот во наведениот период е за 1,613% понизок од курсот по кој беа формирани цените.
