Само пред еден месец во Женева, јапонската компанија „Honda“ ги собра сите погледи, претставувајќи истовремено два нови спортски автомобил – „NSX“ и „Civic Type R“. Сценариото се повторува и на саемот во Њујорк, каде што се одржа премиерата на „Civic Concept“.
Како што сугерира името, возилото е само концепт, но доста близок до серискиот автомобил кој ќе ја претставува целосно новата генерација на популарниот модел. 10-тата генерација „Honda Civic“ треба да се појави на пазарите уште во есента оваа година.
Прикажаниот концепт во Њујорк има за цел да даде прв поглед на новиот модел. Дизајнот е спортски, а се демонстрира со продолжен преден капак, и пониско и широко тело. Меѓуоскиното растојание е зголемено, а тоа треба да се одрази поволно како на просторот во кабината, така и на однесувањето на патот и возењето.
Интересни акценти во дизајнот се исто така се пошироките лакови на тркалата, „LED“ светлата, споените задни светла и централно поставениот издувен систем.
Од информациите, станува јасно дека новата генерација „Civic“ ќе се нуди во верзии седан, купе и хечбек. Во Европа најверојатно ќе видиме и караван, а спортскиот „Type R“ ќе биде глобален модел.
Се очекува автомобилот да се опреми со новите „VTEC Turbo“ мотори, меѓу кои се 1,0-, 1,5- и 2,0-литарски агрегати.
Новата „Honda Civic“ ќе се нуди и со широк спектар со системи за безбедност, меѓу кои адаптивен автопилот, систем за следење на мртвите зони, систем за следење на лентата на движење, автоматски сопирачки и друго.
Во САД 10-тата генерација на „Civic“ треба да биде достапна уште во есента 2015-та година, но информациите за европските верзии се уште не е познати.
