„Lexus“ официјално ја претстави новата генерација на кросоверот „RX“, кој е најпопуларниот модел во целата историја на брендот. Од 1997-ма година, кога се појави првата генерација, досега од него се продадени над 2,1 милиони примероци.
Дизајнот на автомобилот е во стилот употребен при создавањето на последните модели на марката – како „Lexus NX“. Кросоверот доби решетка во форма на вретено, целосно „LED“ фарови, а исто така и нови 20-инчни бандажи кои се понудени како опција. Стандардните тркала се 19-инчни.
Во внатрешноста на „RX“ се појави 12,3-инчен дисплеј за мултимедијалниот систем, предни и задни седишта со греење, панорамски покрив, а исто така со доплата се понудени два екрани за патниците на задните седишта.
Должината на кросоверот е 4889 мм, широчината – 1894 мм, а висината – 1689 мм. Растојанието помеѓу двете оски кај теренецот е 2788 мм. Така моделот е за 119 мм подолг, со 9 мм поширок и за 1 мм помал од својот претходник. Меѓуоскиното растојание на новата генерација е за 48 мм подолго.
Од „Lexus“ забележуваат дека шасијата и каросеријата на „RX“ се интензивни, а звучна изолација подобрена. Суспензијата не претрпе промени – „McPherson“ предна и двојно независна позади. За прв пат кај моделот се појавиле индивидуализирани амортизери, кои се прилагодуваат кон начинот на возење.
Првично кросоверот ќе се нуди во две верзии – „RX 350“ и „RX 450h“. Во првиот случај ќе се користи 3.5-литарски V6 мотор, чија моќност е 300 КС. Тој се комбинира со 8-степен автоматски менувач. Втората модификација се потпира на хибриден агрегат со 300 КС, во чиј состав исто така влегува 3,5-литарски V6 мотор.
Меѓу системите за безбедност на кросоверот влегуваат функцијата за спречување на фронтален судир, систем за следење на лентата на движење, функција за следење на мртвите зони, како и индивидуализирано долго светло.
Моделот ќе биде достапен и во верзија „F SPORT“, а неговата продажба треба да стартува пред крајот на оваа година.