Во Бугарија стапката на невработеност во февруари е намалена за 2,1 проценти и изнесува 10,2 проценти, покажуваат податоците на Eвропската статистичка агенција Еуростат.
Според овие податоци, во Бугарија во февруари работа нашле 72.000 невработени, а на работа чекаат околу 342.000 граѓани, пренесуваат бугарските медиуми.
Според намалувањето на стапката на невработеност во месец февруари, пред Бугарија е Ирска, каде стапката во февруари била намалена за 2,2 проценти.
Најголемо зголемување на стапката на невработеност е регистрирано во Хрватска, на Кипар и во Финска.
На ниво на ЕУ намалена е стапката на невработеност на годишна основа за 0,7 проценти и сега изнесува 9,8 проценти.
Бугарија има 7,3 милиони жители.