Изложбата „Сонувајќи со ѕвездите“ на Ана Андроска ќе биде отворена во четврток 02.04.2015 година во 19.30 часот во галерискиот простор во управната зграда на НЛБ Тутунска банка.
Ана Андроска е сликар и графички дизајнер од Скопје. Во 2006 година дипломира на Факултетот за ликовни уметности во Скопје. Досега има реализирано 2 самостојни изложби: “„Лајка“” (2007) во отворeнотo графичко студио при Mузеј на град Скопје и “„Сонувајќи со ѕвездите“” (2012) во Националната галерија на Македонија – Чифте Aмам.
Во сликите на Ана Андроска со шармантен и духовит стил, се проткаени човечките чувства, прославувањето на радоста и страста за живот – шише вино поделено со драги пријатели, со смеа, музика и добра храна.