Стапката на невработеност во Австрија во март изнесувала 9,4 проценти, додека во февруари била 10,3 проценти, се наведува во прелиминарните податоци на Министерството за труд.
Според податоците на Евростат, Австрија е на второто место според стапката на невработеност во ЕУ, со 5,3 проценти во февруари. Во март 428.519 луѓе барале работа во однос на 466.226 во претходниот месец.
Ова е прв пат во Австрија да е регистрирано намалување на стапката на невработеност од месец септември минатата година.
Во март 2014 година стапката на невработеност, според националната норма изнесувала 8,5 проценти, а според европските норми 5,6 проценти.
Разликата во податоците на Евростат и австриското Министерство за труд е во методот на изработка на пресметките.