„Renault“ најверојатно ќе претстави спортски модификации на кросоверите „Captur“ и „Kadjar“. Ова го соопшти шефот на единицата „Renaultsport“ Патрис Ратти за „Autocar“.
Французите планираат да земат пример од својот партнер „Nissan“, чиј спортски оддел „NISMO“ создаде две спортски верзии на „Juke“. Се очекува Јапонците наскоро да пратстават и таква опција на моделот „Qashqai“.
„Имаме подготвеност за изработка на таквите модели, но прво треба да дознаеме дали воопшто корисниците се заинтересирани за слични машини. Ако пазарот ни одговори позитивно на ова прашање, тогаш веднаш ќе започнеме со подготовките за производството „RS“ верзии на „Captur“ и „Kadjar““, појасни Ратти.
Според „Autocar“ помалиот од двата модела – „Captur RS“, ќе добие 1,6-литарски бензински турбомотор со 200 КС, ист како кај „Juke NISMO“. За „Kadjar RS“ е предвиден 1,8-литарски исто бензински турбо мотор чија моќност ќе изнесува најмалку 250 КС.
Системот за погон на четири тркала ќе се нудат единствено кај „Kadjar RS“, но генерално спортскиот дизајн ќе биде користен и за двата модела. Покрај подобрена аеродинамика тие ќе добијат подобра суспензија, нови бандажи, различни цевки на издувниот систем, специјални кожени седишта и други „RS“ атрибути.
Се очекува двата модела да се произведуваат во фабриката на „Renault“ во Шпанија, и да се нудат само на пазарите во Европа.
