Француската економија би можела да достигне економски раст од 1,5 проценти пред 2016 година, изјави францускиот премиер Мануел Валс.
„Статистичкиот завод Инсее како и останатите релевантни институции предвидоа дека економскиот раст од околу 1,5 ќе биде достигнат во 2016 година“, изјави францускиот премиер во интервјуто за И-Теле.
Како што вели, во тој период би требало да се дојде и до значително намалување на невработеноста во Франција.
„Лично сметам дека сме во состојба тоа ниво на економски раст да го постигнеме и пред тоа“, истакна Валс.