Специјална верзија на седанот „Corolla“ претстави јапонската компанија „Toyota“. Таа го носи името „Nürburgring Edition“, а е создадена за тајландскиот пазар, каде и ќе се произведува.
Моделот е посветен на култната германска патека Нирбургринг и треба да го одбележи 7-мото место на „Toyota Corolla Altis“ во минатогодишното издание на трката за издржливост „24 часа Нирбургринг“.
Моделот е базиран на верзијата „Corolla ESport“, но се разликува од неа по низа дополнителни детали. Такви се на пример 17-инчните бандажи, различните браници, решетката на ладилникот во сјајно црна боја, страничните прагови, задните спојлери и дифузор и друго.
Внатрешноста нуди спортски волан, тапацир од црна кожа и елементи во црвена боја.
Погонот на моделот е од стандардниот мотор на тајландската „Corolla ESport“. Тоа е 1,8-литарски бензински мотор кој развива 141 КС и 177 Нм.
За подобрување на динамиката инженерите на компанијата поставија различна суспензија, која обезбедува опипливо подобро однесување на патот во споредба со обичните модификации на автомобилот, покажува информацијата.
Моделот е достапен во две специјални бои – „Black Mica“ или „White Pearl“.