Македонската филхармонија ќе одржи концерт, насловен „Романтични арии за бас“, во четврток, во Домот на АРМ со почеток во 20 часот.
Оркестарот ќе настапи под водство на маестро Јануш Пшибилски, а како солист ќе се претстави еден од најдобрите македонски репродуктивци, маестралниот бас Игор Дурловски, кој гради успешна кариера во оперските куќи во Германија и Австрија.
Дурловски ја изведе комплексната сцена и арија на кралот Марке од Вагнеровата опера „Тристан и Изолда“ и за прв пат во Македонија ќе биде претставена аријата „Колку е убава музиката “ од операта „Немата жена“ од Рихард Штраус.
Оваа вечер премиерно ќе бидат изведени уште две дела и тоа Адаџето од операта ,,Изгубениот рај“ од Кшиштоф Пендерецки и Синфониетата бр. 1 од Мјачеслав Вајнберг чие дело за прв пат ќе прозвучи во изведба на Македонската филхармонија. Покрај нив, свое место на програмата ќе најде и спектакуларната увертира „Мајстори пејачи“ од Рихард Вагнер.
