Германска компанија од автомобилската индустрија ќе инвестира во Прилеп, каде ќе бидат овозможени 250 нови вработувања главно високо образовани кадри, пред сè инженери и менаџери, кои ќе се обучуваат во Германија.
Во присуство на министерот за странски инвестиции Бил Павлески и градоначалникот Марјан Ристески, претставници од германската компанија „Акомпласт“ соопштија дека ќе инвестираат во Прилеп.
Со почнување на изградбата на фабриката паралелно ќе се гради и инфраструктурата, а локалната самоуправа ќе ја пружи својата комплетна логистика за спроведување и комплетно реализирање на оваа инвестиција.
Градоначалникот Ристески рече дека со отворањето на фабриката во зоната во Прилеп се отвора нова можност за работа на прилепчани.