Не се сите родени за да бидат успешни лидери. Сепак и помеѓу лидерите, се издвојуваат оние кои се само фигури и оние кои навистина ги имаат конците во своите раце.
Успешните лидери даваат шест моќни совети кои ќе ви помогнат во понатамошното работење:
1. Бидете автентични
Кога секој го познава својот дел од работата, знаете дека се оди според планот. Но, моќните лидери секогаш се издвојуваат со својата автентичност. Понекогаш е потребно да излезете од воспоставениот модел и да создадете ново опкружување или старото да го прилагодите на новите услови.
2. Препознајте ги моќните луѓе во вашата деловна околина
Денес во секој дел од животот можат да се најдат лидери и следбеници. Имајте на ум дека работникот не е само следбеник и дека тоа што вие сте шеф не значи дека сте лидер. Имајте околу себе вработени кои ќе учат од вас, но и ќе напредуваат така што ќе создаваат нови визии. Но, секогаш бидете сигурни дека секоја настаната новина, придонесува за напредокот на целта која вие сте ја замислиле.
3. Бидете чекор подалеку од веќе познатите работи
Денес промените се случуваат на дневна основа. Од напредокот во технологијата, воведувањето на нови процеси, до создавањето на иновации. За постојаните промени потребни се чести истражувања и учења. Не се плашете од експериментирање и новитети.
4. Бидете ранливи
Неуспехот е болен и катастрофален, но доколку не се изложите на ризик, нема да напредувате. Запознајте го непознатото, развивајте се и ризикувајте за да се вратите уште поуспешни и подобри.
5. Бидете дарежливи
Лидерот секогаш ги води неговите следбеници според дефинираниот план. Но, две глави секогаш се попаметни отколку една. Дозволете вашите вработени да учествуваат во процесите и разменувајте ги искуствата. Дадете им признание за нивниот труд и работа.
6. Одвојте време
Иако сите би сакале за краток временски период да станат успешни, тој процес е долготраен. За усвојување на нови идеи не е доволно само да наметнувате нови процеси, туку потребно е да одвоите повеќе време за нив. Бидете трпеливи!
