Бројот на граѓани во Белгија кои имаат потешкотии со враќањето на еден или повеќе кредити, на крајот на февруари оваа година достигна рекордно ниво и изнесуваше 352.270.
Тие вкупно имаат кредити во износ од 3,13 милијарди евра, покажуваат податоците на Централната белгиска банка.
Станува збор за хипотекарни и потрошувачки кредити.
Во однос на крајот на февруари 2014 година, бројот на кредитно задолжените Белгијци кои доцнат со отплатата на кредитите е зголемен за 2,5 проценти, додека бројот на активни кредитни профили во истиот период е намален за 0,5 проценти, пренесува белгискиот весник Либр.
