Технолошката фирма „Herman“ ја претстави интерактивната шофершајбна, за која како што тврдат од компанијата, автомобилот на безбеден начин ќе го претворат во подвижна канцеларија.
Официјалниот претставник на компанијата, Ханс Рот, изјави дека системот на возачот на стаклото ќе ја прикажува брзината и оддалеченоста на возилото пред него, дојдовните телефонски повици со слика од повикувачот, временските услови на патот, покажување на правецот, насоките и предупредување од евентуални судари.
Овие информации на возачот ќе му бидат претставени во неговиот видокруг, но Рот верува дека податоците се во доволна мера проѕирни, така што на возачот нема да му го одземаат вниманието.
Оваа технологија веќе е присутна во некои од луксузните автомобили.
