Руската централна банка ја снижи во петокот клучната каматна стапка по втор пат во оваа година, балансирајќи помеѓу потребата за поттикнување на забавената економија и загриженоста поради високата инфлација.
Клучната каматна стапка е снижена за цел отстотен поен, на 14 отсто, откако банката во јануари ја снижи за два отстотни поени.
Одлуката за дополнително снижување на клучната камана стапка е донесена бидејќи сеуште превладуваат ризиците за позначително ладење на економијата.
Потегот е во рамки на очекувањата на учесниците на пазарот, со оглед на стабилизацијата на руската валута по драматичниот 46-отстотен пад.
Минатата година поради падот на домашната валута централната банка ја крена каматната стапка за цели пет отстотни поени, на 17 отсто, за да поттикне поголемо штедење наместо потрошувачка.
За цела 2015-та година се предвидува стапката на инфлација да биде околу девет отсто.
