Првите примероци од третата генерација на моделот „Superb“ излегоа од производниот погон во фабриката на „Škodа“ во Квасини. Автомобилот во продажните салони ќе пристигне во јуни 2015-та година.
Новата топ лимузина на „Škodа“ беше претставен на 85-тиот меѓународен саем за автомобили во Женева. Во однос на претходната верзија, меѓуосовинското растојание порасна за 80 mm – распонот меѓу предната и задната осовина изнесува 2.841 mm.
Понудата на мотори опфаќа осум погонски агрегати. Кога станува збор за бензинците, на располагање се турбо-бензинци со зафатнина од 1.4, 1.8 и 2.0 литри, во опсег од 125 дo 280 ks. На купувачите ќе им бидат достапни и 1.6 и 2.0 литарски турбо-дизели чија моќ се движи од 120 дo 190 „коња“.
„Škoda“ пред почетокот на производството во модернизација на фабриката вложи околу 62 милиони евра, а причина за тоа беше производството да се адаптира за изработка на „Superb“, a погонот воедно беше и проширен.
Во компанијата очекуваат добра продажба на новата генерација, откако првите две верзии на топ лимузината на „Škodа“ достигнаа вкупен тираж од околу 700.000 примероци.
Во Квасини е една од трите фабрики на „Škodа“ во Чешка. Моментално во неа има вработено околу 4.500 работници.
Покрај „Superb“, во оваа фабрика се изработуваат и моделите „Roomster“ и „Yeti“, a во 2014-та година беа произведени 166.200 возила.