Франција и Италија би требало да излезат од еврозоната, изјави во средата еден од челниците на германската популистичка евроскептична партија Алтернатива за Германија (AfD).
„Погрешно е во овој момент да се концентрираме само на Грција. Депримира тоа што држави кои се сржта на еврото, како што се Италија и Франција, сé уште не можат да ги надвладеат своите проблеми и постојано добиваат помош“, изјавил Бернд Луцке, пренесува агенцијата DPA.
„Грција, меѓу нив, би требало првата да излезе од еврозоната“, изјави челникот на AfD, партијата којашто се залага за тоа земјите коишто според нивото на развиеност се слични на Германија да го формираат таканареченото „јадро на еврозоната“.
