Управата за јавни приходи (УЈП) во петок од 10:00 до 15:00 часот, пред седиштето на Општина Аеродром ќе постави „Мобилен даночен шалтер“, преку кој даночните услуги ќе можат да се доближат до даночните обврзници.
Преку опремено комбе како даночна мобилна канцеларија, граѓаните и фирмите ќе имаат можност да ги добијат сите даночни услуги и информации, да ги достават сите видови даночни пријави и да ги подигнат сите документи што ги издава УЈП.
