„Audi“ планира да лансира уште покомпактен кросовер од идниот „Q1“. Според изданието „Automobile“ името на моделот веќе е избрано и тој ќе се нарекува „Junior“.
Германците планираат да го пуштат „Q1“ веќе следната година. А во 2018-та година на пазарот ќе се појави „Junior“ со 3 врати, кој ќе застане на најниското скалило во палетата кросовери на брендот. Во подоцнежна фаза моделот ќе излезе и во модификација со 5 врати.
Се очекува новиот модел да се нуди со систем за погон на сите четири тркала „Quattro“ и со трансмисија „S tronic“ со две спојки. „Audi Junior“ ќе добие 3-цилиндарски мотори – бензинец со моќност од 115 КС и дизел со 110 КС
Останатите мотори ќе бидат 4-цилиндрични, а бензинските ќе нудат со 140 и 180 КС, а дизелот со 150 КС. Во „Audi“ ја разгледуваат и можноста за создавање на „S“-верзија, но тоа засега не е приоритет.
Што се однесува до идниот „Q1“, тој ќе биде изграден на модернизирана верзија на платформата на „Audi Q3“, а ќе треба да се натпреварува со „BMW X1“, „Mercedes-Benz GLA-Class“ и „Range Rover Evoque“.
Идниот компактен кросовер на „Audi“ според димензиите нема да е поголем од хечбекот „A3“, а неговата цена ќе биде околу 25.000 евра.