Европскиот парламент во вторникот со големо мнозинство гласови ја прифати уредбата со која се ограничува висината на надоместокот кои банките меѓусебно го наплатуваат за трансакции со кредитните картички, што би требало да резултира со заштеди за потрошувачите.
Банките меѓусебно наплатуваат надомест за користење на кредитните картички, за што потрошувачот најчесто не е ниту свесен, меѓутоа поради тоа плаќа поскапо. На пример, банката на еден трговец плаќа надомест на банката на трговецот кој тогаш тоа го надоместува со подигнување на цената на производот. Тие надоместоци се користат за прекугранични плаќања со картички, но и во некои европски земји. Височината на надоместокот често е многу различна и се движи од 5 отсто до 0,1 отсто.
Со новата уредба на Европскиот парламент тие надоместоци може да изнесуваат 0,2 отсто за трансакциите со дебитните картички и 0,3 отсто за кредитните картички. Тоа се горните вредности и надоместоците можат да бидат и пониски, што е веќе случај во Данска каде што изнесуваат 0,1 отсто.
Според европските експерти потрошувачот не е свесен дека во цената му е пресметан надоместокот за плаќањето со кредитна картичка. Според нив, ограничувањето на надоместокот ќе влијае врз 95 отсто од сите плаќања со картички и ќе значи заштита за купувачите за нешто повеќе од 730 милиони евра годишно во Европската унија. Тие очекуваат и пониски цени на производите, бидејќи досега трошоците за плаќањето со картичките им беа наплатувани на потрошувачи.