„Skoda“ претстави на автосаемот во Женева максимална модификација на моделот „Octavia“ наречена „RS230“. Таа ќе биде ставена во ограничен тираж во верзии лифтбек и караван.
Моторот на моделот е ист како кај „Octavia RS“, но доби дополнителни 10 КС и веќе генерира 230 КС. Ова доведе и до зголемување на максималната брзина на возилото од 248 на 250 км/ч. Во исто време забрзувањето од 0 до 100 км/ч е намалено за 0,1 секунди и изнесува 6,7 секунди.
Кај новата модификација, автомобилите уште во основната опрема располагаат со електронско блокирање на предниот диференцијал што според претставник на „Skoda“ помага најмногу при преминување на кривини со поголема брзина.
За прв пат во стандардната опрема на возило „Skoda“ се нудат екстра додатоци. Во него се вклучени уште дополнителни елементи од карбон, уникатни бандажи и спортски ентериер.
Новата „Skoda Octavia RS230“ ќе се појави на пазарот во јуни, а ќе се нуди како со 6-брзински мануелен менувач, така и со „DSG“ менувач. Цената на оваа верзија се уште не е објавена.
