Унгарија според последните статистички податоци минатата година забележала раст на бруто домашниот производ (БДП) од 3,6 проценти.
Главните двигатели на растот биле индустријата и услугите, а значителен придонес имале и градежништвото и земјоделството.
Според прогнозите на аналитичарите, растот на унгарската економија се очекува и во наредните години, благодарение на програмата „Финансирање за развој“ која на многу компании би требало да им овозможи полесен пристап до капиталот.
Освен тоа, на извозот би можеле позитивно да влијаат и мерките на Европската централна банка, односно програмата за купување на обврзниците.
Според прогнозите на аналитичарите, оваа година се очекува раст од 2,5 проценти, а во 2016 година раст од 2,2 проценти.
