Бруто домашниот производ на Италија во 2014 година е намален за 0,4 проценти, соопшти Заводот за статистика во Рим, потврдувајќи ја проценката изнесена минатиот месец.
БДП на Италија во четвртиот квартал од 2014 година мируваше во однос на претходните три месеци, додаде Заводот, а пренеусва агенцијата АНСА.
Домашната потрошувачка во извештајниот период е намалена за 0,1 проценти на квартално ниво, додека на годишно ниво пораснала за 0,5 проценти.
Минатата година беше трета година по ред во која Италија бележи негативен економски раст, а рецесијата на кратко беше прекината во третиот квартал од 2013 година, кога БДП порасна 0,1 проценти.
