Кинеската блог-сфера е преполна со нови гласини во врска со смартфонот „Apple iPhone 6s“, а најмногу информации се однесуваат на тоа дека уредот ќе го има процесорот „Apple A9“.
Се очекува дека новиот процесор во најголеми количини ќе го произведе „Samsung“, користејќи го својот 14nm производен процес.
Исто така, постојат гласини дека „iPhone 6s“ ќе има 2GB RAM и дека ќе биде опремен со технологија чувствителна на притисок на допир (pressure touch).
Oва се информациите кои веќе некое време кружат на интернет, а најновата е дека се очекува „Apple“ да започне со сериско производство на „iPhone 6s“ веќе во јуни.
Компанијата цели на вкупно 230 милиони произведени единици. Тоа значи дека можеме да очекуваме во септември да го видиме „iPhone 6s“ на пазарот.
