Премиум хечбекот „DS5“ е меѓу главните премиери на автосалонот во Женева. Реновираниот модел е потивок и поудобен, а е опремен и со нов мотор. Најважно при него сепак е фактот дека тој веќе не го носи логото на „Citroen“, бидејќи од моделска линија „DS“ стана посебно, комплетен бренд.
Според раководството на „Citroen“ одлуката да се разделат двата бренда е сериозно да се подигне интересот кон автомобилите со амблем „DS“. Токму логото е меѓу новите работи во изгледот на возилото каде се заменува познатиот знак на „Citroen“. Нови се, исто така, браниците и светлата.
Посветено е внимание и на техничките детали. Променето целосно е подножјето, благодарение на што возилото е поудобно. Од палетата мотори отпаѓа досегашниот основен 1,6-литарски агрегат со моќност од 156 КС. Неговото место е окупирана од мотор со ист волумен, но со 165 КС. Претстои додавање на уште еден 1,6-литарски мотор кој ќе развива 210 КС.
Промените во кабината исто така се многубројни. На централниот панел се наоѓа нов систем, кој може да се синхронизира со смартфон и да се дуплираат сите негови функции на екранот. Постои и новата функција „DS Connect Box“, благодарение на која возилото самостојно го следи кога треба да посети сервис за одржување.
Се очекува новиот „DS 5“ да се појави на пазарот во Европа во текот на летото.