Компанијата „Nissan“ на автосаемот во Женева го покажа концептот „Sway“, кој според неговите дизајнери покажува како треба да изгледа модерен компактен хечбек.
Автомобилот е наменет целосно за европските корисници, а во компанијата се надеваат дека тој ќе може да го повтори успехот на моделите „Qashqai“ и „Juke“, но и соодветно да се наметне во еден релативно конзервативен сегмент на пазарот.
Дизајнот на „Sway“ е инспириран од концептот „Nissan IDx“ прикажан на саемот во Токио во 2013-та година. Димензиите на моделот се должина од 4010 мм, ширина – 1780 мм, висина – 1385 мм и растојание помеѓу двете оски – 2570 мм.
Од компанијата не дадоа никакви технички детали за моделот што очигледно значи дека тој нема да се појави во сериско производство. Според експертите во основата на „Sway“ е платформата „V“ на „Nissan“, а таа ќе биде користена и за следната генерација на „Micra“.
А под хаубата на новата генерација на хечбекот ќе се појавуваат 3-цилиндарски и 4-цилиндарски мотори на јапонската компанија и на „Renault“.