Светската банка финансиски ќе ја поддржи Албанија во следните пет години со околу 1,1 милијарда долари, изјави претставничка на Банката во Тирана.
Предвидено е за периодот 2015-2019 година со средства на СБ да бидат реализирани околу 15 проекти, во просек по три во една година.
Тие се наменети за буџетско и финансиско реформирање на земјата, но и за финансирање на енергетскиот сектор.
-СБ ќе остане приврзана кон доставувањето на постојана техничка и економска помош за Албанија, додаде претставничката на СБ, јави БТА.
Нацрт-спогодбата за новите петгодишни партнерски односи меѓу СБ и Албанија ќе биде разгледана во март. а