Откако швајцарските граѓани гласаа за ограничување на високите бонуси за менаџерите на големите компании, многу меѓународни компании се подготвија да си заминат.
Претседателот на Економскиот комитет, Рудолф Верли нагласи дека при разговорот со директорите на овие компании дошол до сознание дека сценариото за напуштање на земјата е многу веројатно, пренесуваат швајцарските медиуми.
„Јасно е дека овие компании се уште отворено зборуваат за тоа, тие сакаат да видат дали ситуацијата ќе се поправи, во спротивно нивните планови за преселување се подготвени“, вели Верли.
Овие мултинационални компании во изборот имаат повеќе дестинации, додаде тој, не сакајќи да именува ниту една од нив.
