Европската комисија и одобри нов рок од две години на Франција својот јавен дефицит да го намали под три проценти од бруто домашниот производ (БДП).
Односно до 2017 година кога се закажани и претседателските избори во таа земја.
„Брисел одлучи на Франција да и одобри дополнителен рок до 2017 година за да го намали својот дефицит“, изјави денес европскиот комесар, Валдис Доморовски.
Тоа е трет рок кој Франција го доби за да го намали дефицитот под три проценти од БДП.
Франција ќе мора до април да ја претстави „Националната програма за реформи“ која ќе и овозможи намалување на јавниот дефицит, додаде Дмборовски.
„Франција веќе најави неколку реформи… Очекуваме да го претстави својот план до април, а Брисел ќе го прегледа во мај“, изјави европскиот комесар за економски и финансиски прашања Пјер Московиси.
Француската влада предвидува дека во 2015 година ќе има дефицит од 4,1 проценти, наместо првично ветените три проценти и пад под три проценти дури во 2017 година, кога ќе бидат организирани и претседателските избори.
