Германската канцеларка Ангела Меркел во вторник вечер побара од пратениците од нејзината конзервативна партија да одобрат продолжување на помошта на Грција, но предупреди дека задачата во никој случај не е завршена.
Меркел рече дека „грчката влада полека се враќа во реалноста, и дека ќе следат нови разговори со Грција“, пренесуваат пратениците од партијата на Меркел.
Министрите за финансии на еврозоната во вторник го поддржаа планот реформи што го предложи Атина и со тоа го отворија патот за продолжување на програмата за финансирање на земјата до лето.
Долниот дом на германскиот Бундестаг во петок ќе се изјасни околу продолжувањето на програмата за помош на Грција.
