„Brabus“ објави информации и фотографии од најбрзото во светот купе со погон на четири тркала.
Автомобилот го носи името „850 6.0 Biturbo“ и е базиран на „Mercedes-Benz S63 AMG Coupe 4Matic“.
Возилото доби преработени браници, како и нов дифузор и спојлер. Дополнителните елементи се од карбон, а клиентот ќе може да избира меѓу 5 видови на лесни бандажи – со големина од 18 до 22 инчи.
Промените во внатрешноста ги опфатиле седиштата, внатрешниот дел на вратите, како и табла со контролните уреди. За нив е користена специјална темно-златна боја, а 219 елементи од целиот автомобил се насликани со неа.
Најважната новост сепак е во моторот. Стандардниот „Mercedes-Benz S63 Coupe 4Matic“ располага со 5.5-литарски V8 мотор. Обемот на агрегатот веќе е зголемен до 5.9-литри, а доработени се двата турбо-компресори и издувните колектори.
Како резултат на тоа моќноста достигнува 850 КС и 1450 Nm, достапни во опсег 2500-4500 врт/мин. Забрзувањето од 0 до 100 км/ч кај автомобилот се остварува за 3,5 секунди, а за постигнување на 200 км/ч од место се потребни 9.4 секунди. Максималната брзина е ограничена по електронски пат на 350 км/ч.
Премиерата на автомобилот на „Brabus“ ќе биде на претстојниот автосаем во Женева кој ќе започне следната недела. Таму ќе биде познато по која цена ќе се продава возилото.
