Италијанските домаќинства, меѓу развиените земји, најмалку се задолжени во однос на месечните приходи, потоа следат Германците, а на третото место се Французите.
Задолженоста на Италијанците во 2014 година изнесувала 62 проценти од месечните приходи, на Германците 82,7 проценти, а на Французите 84,7 проценти, пренесува весникот Фигаро.
Меѓу домаќинствата во развиените земји најзадолжени се оние во Данска, со висок долг од 269 проценти од месечните приходи, а следат Холанѓаните со задолженост од 230 проценти.
Меѓу високо задолжените се и граѓаните на САД, со просечна висина на долгот од 136,5 проценти од месечните приходи, потоа жителите на Велика Британија со 134,5 проценти и на Шпанија со 111,8 проценти од приходите.