HSBC Holdings предвид пад на годишната добивка поради обвинувањата дека британската банка е помагала на свои клиенти да затајуваат даноци преку швајцарски единица.
Нето добивката за минатата година изнесува 13,7 милијарди долари, откако во 2013-та година, таа беше 16,2 милијарди долари. Тоа е за 15% помалку. Профитот пред оданочување за 2014-та година е 18,7 милијарди долари. Тоа е за 17% помалку во споредба со 2013-та година, имено – 22,6 милијарди долари.
Добивката и приходите се наоѓаат под очекувањата на аналитичарите. Експертите прогнозираа оперативен профит во износ од 21 милијарди долари.
Објавување на финансиските резултати се совпадна со откриената информација за директорот на банката Стјуарт Гуливер, кој има сметка во швајцарскиот огранок на кредитната институција.
Приходите на „HSBC“ пораснаа минимално до 62 милијарди долари од 61,9 милијарди долари во 2013-та година. Покрај тоа банката има резервирано 1,19 милијарди долари за судски трошоци и во форма на обезбедување за напредната истрага по обвиненијата за манипулирање на девизниот пазар.
Трошоците на банката порасна над предвидените, а поделба за инвестициското банкарство реализира незадоволителни приходи во четвртиот квартал. Годишните оперативни трошоци од основната дејност се зголемија за 6,1% или до 37,9 милијарди долари.
„Финансиските резултати се разочарувачки, иако тешкиот четвртиот квартал одзема дел од напредокот што го постигнавме во претходните три квартали. Длабоко жалиме и се извинуваме за своето однесување и грешките кои се во спротивност со нашата политика, како и во однос на очекувањата кон нас“, коментира Стјуарт Гуливер во врска со годишниот извештај.
Во почетокот на тргувањето на берзата во Лондон нивните акции поевтинија за 4,3%. За една година нивната вредност падна за 7,7%.
