Филмот „ Saving Christmas“ со поранешната детска ѕвезда Кирк Камерон го завладеа победничкиот трон на годинешното доделување на Златните малини за најлошите филмски остварувања.
Сега 44-годишниот Кирк Камерон и неговиот филм се прогласени за големите победници на 35-то доделување на златните малини во саботата навечер во Лос Анџелес, бидејќи ги понесоа наградите во четири од шесте категории, и тоа за најлош филм, најлош актер, најлошо сценарио и за најлоша филмска комбинација – за актер и за неговото его.
На Камерон Дијаз, пак, и’ припадна 4,97 вредниот трофеј за најлоша актерка во двете комедии „Одмазда во високи потпетици“ и „Снимки на секс“.
Режисерот и Актер Бен Афлек, добитник на Златната малина во 2003 година, ја освои годинешнава награда за рехабилитирање, откако беше награден за промашувањето во филмот „Gigli“ се искупи со остварувањето на„Argo“ и „Gone Girl“.
Златните малини се доделуваат ноќта спроти доделувањето на најпрестижните филмски признанија Оскарите, меѓутоа, нивните добитници ретко кога имаат храброст да се појават на церемонијата на врачувањето.