Новиот тунинг пакет за последната генерација „Range Rover“ ќе биде претставен на саемот во Женева од компанијата „Startech“. Пакетот е целосно визуелен и е наменет за продолжената верзија на луксузниот британски теренец.
Комплетниот бодикит на „Startech“ има за цел да му обезбеди на автомобилот подинамичен и спортски изглед и ја зголемува стандардната ширина на моделот.
Пакетот се состои со нов преден браник со пошироки отвори за воздух, дневни „LED“ светла, проширени лакови на тркалата, различни странични прагови, заден спојлер, спортски заден браник со интегриран дифузор и друго.
Исто така можат да се забележат карбон капаците на страничните ретровизори, спортскиот издувен систем и 23-инчни тркала. Ентериерот е исто така е доработен, продолжувајќи ја спортската тема. Во моментов недостасуваат слики од внатрешноста, но сепак станува јасно дека таа нуди карбон елементи, различни седишта и дополнителни масички за патниците на задните седишта.
Моделот ќе дебитира на 3-ти март во Женева, каде „Startech“ ќе претстават свои верзии на уште два модели на „Land Rover – Range Rover Sport“ и „Range Rover Evoque“.
