На сметките на 7.181 земјоделец, во петок, се исплатени 94.000.000 денари субвенции како финансиска поддршка за посеани површини со поледелски култури.
Владата на земјоделците им исплаќа по 9.000 денари по хектар посеана површина поледелски култури, а од 2014 година ја зголеми поддршката за пченицата за која субвенцијата ја покачи на 12.000 денари по хектар.
Владата ќе продолжи и во иднина да го поддржува поледелството со субвенции, како и останатите гранки во земјоделството, информираат до Министерството за финансии.
