Британскиот производител на лименки „Rexam“ објави дека американскиот конкурент „Ball“ им предложи да ја купи компанијата во готовина и акции со договор во вредност од 4,43 милијарди фунти (6,85 милијарди долари), објави „Ројтерс“.
Договорот ќе доведе до создавање на гигант во индустријата, кој подобро ќе го издржи зголемувањето на трошоците за алуминиум.
„Rexam“ и „Ball“ кои се даватели на „Coca-Cola“ и „Anheuser-Busch“, имаат над 20% удел на пазарот. Најблискиот конкурент – „Crown Holdings“ има 19%, според податоците на „Research Partners“.
Зделката ја проценува „Rexam“ на 8,4 милијарди, заедно со нејзинот долг, а според „Ball“ ќе доведе до синергија во вредност од 300 милиони долари до 2018-та година.
Ако ја прифатат понудата, акционерите на „Rexam“ ќе добијат за секоја своја акција 4,07 фунти во готовина и 0,04568 акции на „Ball“, или вкупно 6,28 фунти по акција.
Понудата претставува премија од 17 отсто во однос на цената на затворање на акциите на „Rexam“ во средата (77,16 долари за број). Денес акциите на компанијата се зголемија за 6% на Лондонската берза.
Спојувањето на двата најголеми производители во индустријата може да предизвика продажба на средствата во САД, Бразил и Европа поради барањата на антимонополските закони.
