Писмото на грчката влада со кое таа сака продолжување на финансиската помош за Грција е позитивен сигнал и отвора пат кон постигнување на компромис за долгот, изјавил во четвртокот претседателот на Европската комисија (ЕК) Жан-Клод Јункер, пренесува AFP.
„Јункер одржа бројни разговори во текот на изминатата ноќ, а утрово гледам позитивни сигнали во писмото, што отвора патот кон разумен компромис во интерес на стабилноста“, изјавил портпаролот на ЕК, Маргаритис Шинас, цитирајќи го Јункер.
Инаку меѓународните кредитори повеќепати побараа од новата грчка влада да ја продолжи постоечката програма за помош која завршува на крајот од овој месец, но Атина инсистираше дека ќе бара поинаков кредитен аранжман.
