Министерот за економија Беким Незири во четвртокот отпатува во работна посета на Република Турција, во рамки на која во петок ќе учествува на отварањето на 3. Меѓународен балканскиот економски самит, кој се одржува во Бурса.
Самитот се одржува под покровителство на Владата на Република Турција, а главна тема е „Општините и економскиот развој – соработка на Турција со Балканот“.
Предвидено е Незири пред претседателите на држави и влади и колегите министри од балканските земји да го претстави моделот на рамномерен економски развој во Македонија, овозможен со развојот на технолошко-индустриските развојни зони и можностите за инвестирање, како главен двигател на економскиот раст во Македонија.
