Дефлаторните притисоци во Грција минатиот месец се зголемени, а индексот на потрошувачките цени е намален за 2,8 проценти во однос на истиот месец минатата година.
Податоците на Заводот за статистика во Атина покажуваат дека месец јануари е 23-ти последователен месец во кој грчката економија бележи дефлација, што, заедно со другите негативни економски фактори, значително го отежнува закрепнувањето на земјата, пишува весникот Катимерини.
Единствена група на производи чии цени во јануари пораснале и тоа за 2,7 проценти на годишно ниво е алкохолните пијалоци и цигарите.
Од друга страна, најмногу се намалиле цените за домување и превоз, осум, односно 6,9 проценти, наведуваат од Заводот за статистика.