Обвинителството на Женева соопшти дека покренало истрага за перење пари во британската банка „HSBC“ во Швајцарија и дека ги претресла просториите на банката.
Истрагата е покрената по откривањето дека банката „мижела“ на илегалните активности на трговците со оружје и крвави дијаманти додека им помагале на богатите да го избегнуваат данокот.
Осумнаесет клиенти поврзани со Црна Гора држеле вкупно 7,5 милиони долари во оваа банка.
Тоа го открил Меѓународниот конзорциум на истражувачки новинари, кој објави редица тајни документи и извештаи на втората најголема светска банка, пишуваат подгорички „Вијести“.