Четири производители на чипс во Италија се казнети со околу 1.000.000 евра заради лажни декларации на своите производи, соопшти Италијанското тело за контрола на конкуренцијата и пазарот.
Според ова тело, производителите на чипс на декларациите на производите имале напишано лажни податоци за начинот на пржење на чипсот и што тој содржи, според правилникот на ЕУ.
Казнети се „San Carlo“ со 350.000 евра, „Amica Chips“ со 300.000, „Pata“ со 250.000 евра и „Ica“ со 150.000 евра.
„Amica“, „Pata“ и „Ica“ погрешно информирале за дел од производите за кои тврделе дека се рачно сечкани.
„San Carlo“, „Amica“ и „Pata“ ќе платат казна затоа што на дел од чипсовите имаат напишано дека се пржени во маслиново масло, а всушност поголемиот дел е растително масло кое се користи за пржење на чипсот.
„San Carlo“ и „Amica“, исто така, лажно сугерираат дека има фундаментална разлика меѓу нивниот премиум чипс, и нивниот основен чипс, како и оној со различни вкусови.