Се појавија фотографии на модернизираната верзија на моделот „DS5“ кој е дело на француската марка „DS“. Автомобилот ќе има премиера во Женева, а ќе го одликува освежен изглед, нов ентериер и најновите агрегати на „PSA“, вклучувајќи дизел-електрични.
Луксузниот модел кој веќе е целосно одделен од палетата на брендот „Citroen“ и не го носи нејзиниот амблем, демонстрира различна предница на која доминираат „LED“ фарови и хромиран елемент, продолжен дури до шофершајбната. Позади промените се поумерени, а влијаат стоп-светлата, браникот со вграден дифузор и двојниот издувниот систем.
Голема иновација во кабината е инфо-забавниот систем со „touch“ дисплеј, благодарение на кој инженерите ги елиминираа сите 12 физички копчиња. Редизајнираниот модел располага исто така со предни електрични седишта со функција за масажа, амбиентно осветлување, систем за предупредување при објект во мртвата зона на ретровизорите, адаптивен автопилот, автоматски долги/соборените светла и друго.
Палетата на мотори е претставена од најновите турбо-мотори на групацијата „PSA“, меѓу кои се бензинскиот „THP 165“ и дизелите „BlueHDi 120“, „BlueHDi 150“ и „BlueHDi 180“.
Најмоќниот модел е дизел-електричен хибрид кој комбинира 2.0-литарски дизел со моќност од 163 кс и електромотор кој дава дополнителни 37 кс. Вториот мотор е сместен на задната оска, на тој начин се обезбедува автомобилот да има погон на сите тркала.
Премиерата на обновениот „DS5“ ќе се одржи на 3-ти март во Женева, кога ќе бидат соопштени сите детали.
