На саемот за автомобили кој се одржува во Чикаго, јужнокорејскиот производител го прикажа хибридниот концепт „Trail’ster“ кој е заснован на моделот „Soul“. Aвтомобилот е опремен со турбо-бензински мотор, а благодарејќи на дополнителниот електричен мотор кој ги придвижува задните тркала, „Trail’ster“ има погон 4×4.
Новиот концепт на „Kiа“ го најавува можниот продукциски модел на „Soul“ со погон на сите четири тркала, кој би требало да биде теренска алтернатива на урбаната верзија на овој модел.
Автомобилот е идеален за зимски услови, поради тоа и имаше премиера во овој период од годината и тоа токму во Чикаго, град кој е познат по обилините снежни врнежи и ниските температури.
„Trail’ster“ e поставен на 19-инчни алуминиумски бандажи на кои се монтирани „Pirelli Winter Carving“ зимските гуми со димензии 245/45, a надоврешноста на возилото е обоена во природна „поларно-бисерна“ металик боја.
Автомобилот е опремен со заштитните елементи на долните делови на каросеријата со оглед дека е наменет за возење надвор од градскиот сообраќај и асфалтираните патишта.
Дизајнот на кабината е главно прекопиран од стандардната верзија на моделот „Soul“, a седиштата се обложени со кожа.
Основниот погонски систем го сочинува четирицилиндарски 1.6-литарски турбо-бензинец кој произведува 188 ks (138 kW) и 251 Nm максимален вртежен момент.
Моќта се пренесува на предната осовина со помош на шестбрзинскиот автоматски менувач.
Концептот „Trail’ster“ се разликува од конвенционалниот „Soul“ по дополнителниот електричен мотор кој се наоѓа позади и развива 37 ks (27 kW) и 136 Nm.
Електромоторот се напојува со помош на литиум-јонска батерија, а ги придвижува задните тркала со што се добива погонот 4×4.
Доколку педалата за гас не се стисне премногу, „Trail’ster“ може да се вози само на електрична енергија, но само од 3 до 5 km.
Во вообичаената експлоатација, електромоторот му помага на бензинскиот – комбинираната моќ изнесува 220 „коња“, а максималниот вртежен момент е 386 Nm и допринесува за поголема економичност.
Електричниот мотор се вклучува за време на „офроуд“ возење, по влажен коловоз и секаде кога компјутерот ќе детектира пролизгување на предните тркала, а воедно функционира и како генератор за електрична енергија за време на сопирањето.
Од „Kiа“ велат дека хибридниот концепт е 25-30 oтсто поекономичен во градско возење од „Soul“ со бензински мотор, додека заштедата на гориво на автопат е од 5 до 10 проценти.